![](https://www.mountainkhabar.com/wp-content/uploads/2024/07/nepali-women-cricket-team-e1721894494635.jpg)
काठमाडौं । श्रीलंकामा आयोजित महिला एसिया कप क्रिकेट खेलेर नेपाली टोली बिहीबार स्वदेश फर्किएको छ ।
प्रतियोगितामा समूह चरणबाटै बाहिरिएपछि नेपाल स्वदेश फर्किएको हो ।
प्रतियोगिताको समूह चरणको पहिलो खेलमा नेपालले युएईलाई पराजित गरेको थियो । नेपालले युएईलाई ६ विकेटले हराएको थियो ।
पछि नेपाल पाकिस्तानसँग ९ विकेटले र भारतसँग ८२ रनले पराजित भयो ।
नेपाल रहेको समूह ए बाट भारत र पाकिस्तान सेमिफाइनलमा प्रवेश गरेका छन् । यता, समूह बी बाट श्रीलंका र बंगलादेश सेमिफाइनलमा पुगेका छन् ।