काठमाडौँ । महिला एसिया कप क्रिकेट प्रतियोगिताको उद्घाटन खेलमा संयुक्त अरब इमिरेट्स (यूएई)ले नेपाललाई जितको लागि एक सय १६ रनको लक्ष्य दिएको छ ।

श्रीलंकाको डम्बुलामा टस हारर पहिला ब्याटिङको निम्तो पाएको यूएईले निर्धारित २० ओभरमा आठ विकेट गुमाएर एक सय १५ रन बनायो ।

यूएईका लागि खुशी शर्माले सर्वाधिक ३६ रन बनाइन् । कविसा एगोडेगले २२ रन बनाउदा समाइरा धरनिधरकाले १३ र कप्तान एसा ओजाले १० रन जोडे । यूएईका अन्य खेलाडिले भने दोहोरो अंकमा रन बनाउन सकेनन् ।

नेपालको लागि कप्तान इन्दू बर्माले सर्वाधिक तीन विकेट लिइन् । उनले चार ओभरमा १९ रन खर्चिइन् । सबनम राई, कृतिका मरासिनी र कविता जोशीले पनि एक–एक विकेट हात पारे ।