![](https://www.mountainkhabar.com/wp-content/uploads/2024/06/Satish.jpeg)
मधेस प्रदेश । मधेस प्रदेशका विपक्षी दलहरुले बजेट पुनःलेखनको माग गर्दै मुख्यमन्त्री सतिशकुमार सिंहलाई ध्यानाकर्षण पत्र बुझाएका छन् ।
नेपाली काँग्रेसका संसदीय दलका नेता कृष्णप्रसाद यादव, जनता समाजवादी पार्टी, नेपालका संसदीय दलका नेता सरोजकुमार यादव, लोकतान्त्रिक समाजवादी पार्टी, नेपालकी प्रमुख सचेतक रानी शर्मा तिवारी र राष्ट्रिय प्रजातन्त्र पार्टीका संसदीय दलका नेता कञ्चन विछाले लगायतले सामुहिक रुपमा ध्यानाकर्षण पत्र बुझाउँदै मधेस सरकारले आर्थिक वर्ष २०८१÷०८२ का लागि ल्याएको बजेटको पुनःलेखन गर्न मांग गरेका हुन् ।
बजेट सम्बन्धमा गत असार १३ गते मुख्यमन्त्रीको कार्यकक्षमा बसेको सर्वदलिय बैठकमा मुख्यमन्त्री र स्वयं अर्थमन्त्री भरत साहले नै पिएलएमबिआईएस ह्याक्रहरुबाट सिस्टम ह्याक भई कार्यक्रम तथा बजेट रकमहरु प्रबिष्ट गरिएको भनि जानकारी आएकाले बजेट स्वीकार्य हुन नसक्ने उनीहरुको तर्क छ । उनीहरुले सो सम्बन्धमा सत्यतथ्य पत्ता लगाउन संसदिय छानबिन समितिको गठन, बजेट पुनःलेखन तथा प्रदेश सभामा पुनः छलफल र बजेट पुनःलेखन हुँदा सबै संसदिय क्षेत्रमा सन्तुलित बजेट कायम गनुर््पर्नेसहित तीन सूत्रिय माग गरेका छन् । —न्युज एजेन्सी नेपाल