![](https://www.mountainkhabar.com/wp-content/uploads/2024/02/Nepali-WAFF-Team.webp)
काठमाडौं । नेपालले साउदी अरेबियामा जारी वेष्ट एसियन फुटबल महासङ्घ (वाफ) महिला च्याम्पियनसिपको उपाधिका लागि जोर्डनसँँग प्रतिस्पर्धा गर्दैछ ।
नेपाल र जोर्डनबीचको फाइनल खेल राति पौने १० बजे सुरु हुनेछ ।
यद्यपि, नेपाल प्रमुख खेलाडी साबित्रा भण्डारीबिना नै मैदान उत्रनेछ । उनी जारी प्रतियोगितामा सर्वाधिक गोलकर्ता समेत हुन् । वाफ च्याम्पियनसिपमा साम्बाले खेलेका सबै ४ खेलमा नै गोल गरेकी थिइन् ।
उक्त चार खेलमा उनको गोल सङ्ख्या नौ रहेको छ । साम्बा फ्रान्सेली क्लब एन अभान्ट ग्वेंगाम्पमा अनुबन्धित छिन् । उक्त क्लबसँगको सम्झौताअनुसार साम्बालाई फिफा विन्डोको खेल खेल्न मात्र अनुमति रहेको छ । जसअनुसार साम्बाले फाइन खेल खेल्न नपाउने भएकी हुन् ।
सेमिफाइनल खेलमा नेपालले लेवनानलाई २–१ गोलअन्तरले पराजित गर्दै प्रतियोगिताको फाइनलमा प्रवेश गरेको थियो ।
यस्तै जोर्डनले प्यालेस्टाइनलाई ५-० गोलले पराजित गर्दै फाइनलमा स्थान बनाएको थियो ।