१५ साउन, काठमाडौं । आज साउन १५ । नेपाली लो परम्पराअनुसार खिर खाने दिन । आजको दिन घरघरमा खिर र मिष्ठान्न परिकार खाएर साउन १५ मनाउने परम्परा छ ।
वर्षमा कहिले दहि–चिउरा, कहिले क्वाँटी, जौको सातु खाएजस्तै साउन १५ को दिनमा खिर खाएर मनाउने प्रचलन छ । साथै नेपाल कृषिप्रधान देश भएकोले पनि धानबाली रोपिसकेको समयको उपलक्ष्यमा खिर खाएर साउन १५ मनाउने गरिन्छ । साउन महिना वर्षात समय भएको कारण पनि दुधबाट बनेको पोषिलो परिकार खिर खाएर आज साउन १५ मनाउने
गरिन्छ ।