![](https://www.mountainkhabar.com/wp-content/uploads/2021/06/Nepali-Congress_TNCiX67ukR.jpg)
काठमाडौँ, २२ चैत । नेपाली काँग्रेस नुवाकोट शिवपुरी गाउँपालिका–७ पन्थथोकका इकाई सभापति मुकुन्द पाण्डे कुटिएका छन् ।
स्थानीय तहको निर्वाचनको मिति नजिकिएसँगै उम्मेद्वार चयनमा राम्रा मान्छेलाई छनोट नगरी आफ्ना मान्छेलाई छनोट गरेपछि काँग्रेस नेता तथा कार्यकर्ताले सभापति पाण्डेलाई आज विहान कुटेका हुन् ।
हिजो सोमबार वडा अध्यक्षका लागि काँग्रेसबाट नामावली जिल्लामा पठाउने विषयमा ११ जना आकांक्षी देखिएपछि उक्त बैठक आज विहान ८ बजेलाई सारिएका थियो ।
आजको बैठकमा ईकाई सभापति पाण्डेले वडा अध्यक्षको आकांक्षीसमेत नरहेका आफ्नै साढु माधव भेटवालको नाम सिफारिस गरेपछि पाण्डेलाई काँग्रेस कार्यकर्ताले नै कुटेका हुन् । यस्तै, काँग्रेसले गरेको माईन्यूट च्यातेका छन् ।
नुवाकोट शिवपुरी गाउँपालिका वडा नं ७ मा काँग्रेसको तर्फबाट रमेशप्रसाद पाण्डे, राजबाबु पाण्डे, गंगा डंगोल, बासुदेव कँडेल, दामोदर गुनी, रामहरि पाण्डे, हरि डंगोल, जयराम डंगोललगायत वडा अध्यक्षका लागि आकांक्षी थिए ।
वडा अध्यक्षका लागि दावेदार नरेहका भेटवालको नाम एक्कासी सिफारिस भएपछि झडपको अवस्था सिर्जना भएको काँग्रेस वडा अध्यक्षका एक उम्मेदवारले बताए ।