२२ चैत, काठमाडौं । नेपाली कांग्रेसले तत्काल उम्मेदवारको टुंगो नलगाउन सबै तहका समितिहरूलाई निर्देशन दिएको छ ।

स्थानीय निर्वाचनमा गठबन्धन गरेर अघि जाने निर्णय भए पनि कतिपय ठाउँमा कांग्रेसको उम्मेदवार घोषणा गरेपछि कांग्रेसले तत्काल उम्मेदवार नतोक्न निर्देशन दिएको हो ।

उम्मेदवारबारे निर्णय गर्ने काम तत्काल नगर्न मातहतका समितिहरुलाई निर्देशन गरिएको कांग्रेसको कार्यालय सचिव कृष्णप्रसाद पौडेलले बताउनुभयो ।

स्थानीय तह निर्वाचनको मिति नजिकिएसँगै केन्द्रबाट तालमेल गरेर अघि बढ्ने निर्णय भएको छ । तर यता कतिपय वडा र पालिकामा सम्बन्धित कमिटीहरुले उम्मेदवार नै घोषणा गरिरहेका छन् ।