२२ चैत, काठमाडौं । सत्तारुढ पाँच दलीय गठबन्धनको बैठक जारी रहेको छ । वालुवाटारस्थित प्रधानमन्त्रीको सरकारी निवासमा पाँच दलीय गठबन्धनको बैठक बसिरहेको हो ।
स्थानीय तहको निर्वाचनमा कसरी गठबन्धन गर्ने भन्ने मोडालिटीका बारेमा छलफल गर्नका लागि सो बैठक बसेको हो । यसअघि दलहरुले आन्तरिक रुपमा आगामी निर्वाचनमा गठबन्धन गरेर जाने सहमति गरिसकेका छन् ।
अब भने समग्रमा कसरी जाने भन्नेबारे मापदण्ड तय गर्नका लागि बैठक बसेको हो ।
प्रधानमन्त्री शेरबहादुर देउवा भारत भ्रमणबाट फर्किएपछि पहिलो पटक गठबन्धनको बैठक बसेको हो ।
आजको बैठकमा तालमेलको मोडालिटी टुंग्याउने गरी छलफल हुने बताइएको छ । गत १७ गते बसेको बैठकले निर्वाचनमा तालमेल गर्ने निर्णय गरेको थियो ।
प्रतिक्रिया
सम्बन्धित समाचार
