![](https://www.mountainkhabar.com/wp-content/uploads/2021/02/Kp_Oli_Vs_Prachanda_TM9tMQoaye.jpg)
काठमाडौं ,२३ माघ। नेपालमा दुई समुहबीच राजनीतिक द्वन्द भएको स्थितिमा प्रयोग भएका दुई शब्द नाटक्कै हो र नौटङ्की नै हो भन्ने भिडियो चर्चामा आइरहेको अबस्थामा ‘नाटक होकि नौटन्की हो’ भन्ने म्युजिक भिडियो सार्वजनिक भएको छ । उक्त गीत समयसामयिक अवस्थाको बारेमा व्यंग्यात्मक तरिकाले प्रस्तुत गरिएको हो ।
प्रदिप पोख्रेलको शब्दमा रहेको गीतले ‘जुन जोगी आए पनि कानै चिरेको’ भन्ने उखानलाई प्रयोग गरि प्रधानमन्त्री ओली र प्रचण्ड बिचको द्वन्दले देशमा शान्ति नभई अशान्ति फैल्याउने प्रष्ट पारेको छ । उनले गीत मार्फत ‘सचेत नागरिक बनौ’ भन्ने सन्देश दिएका छन् ।
पोख्रेलको शब्द रहेको गीतको लय र सम्पादन महेश बिक्रम पाण्डेले गरेका छन् । गायक अर्जुन सापकोटा, महेश बिक्रम पान्डे, नर्बदा लकन्तरी र रिता थापाको स्वर रहेको उक्त गीत चर्चामा आएको छ । यस गीतको भिडियोमा अर्जुन सापकोटा, नर्बदा लकन्तरी, रिता थापाको अभिनय रहेको छ । मदन खड्काले निर्देशन गरेको भिडियोलाई दुर्गा श्रेष्ठले कैद गरेका छ्न् । सो गितको पुनम अडियो भिडियोले बजार ब्यास्थापन गरेको छ ।