काठमाडौं ,१८ माघ। बलिउड अभिनेता अक्षय कुमार आजकाल बच्चन पाण्डे फिल्मलाई लिएर चर्चामा आएका छन् । लक्ष्मी फिल्म पश्चात अब बच्चन पाण्डेमा देखिदै छन् । यो फिल्ममा अक्षय कुमारको अपोजिटमा अभिनेत्री कृती स्यानन लिड रोलमा देखिने छिन् ।

यस फिल्ममा अरशद वारसी, ज्याकलिन फर्नाडिसको साथमा पंकज त्रिपाठी पनि मुख्य भुमिकामा रहेका छन् । फिल्म बच्चन पाण्डे फरहद सामजीको डइरेक्सनमा बन्दै छ । पंकज त्रिपाठी र अक्षय कुमार एक फिल्ममा काम गरेको यो पहिलो पटक रहेको छ ।

कोरोना भाइरसको कारण सुटिङमा ढिलाइ भएको हुनाले यो फिल्म रिलिज हुन अझै केही समय लाग्ने बताइएको छ । फिल्म मेकरको टिमले हालसम्म रिलिज समय बताइएको छैन । यो वर्ष २०२१ र २०२२ मा अक्षय कुमार ‘बेल बाँटम’, ‘बच्चन पाण्डे’, ‘हेरा फेरी- ३’ र ‘अतरंगी रे’, ‘पृथ्वीराज’ जस्ता फिल्ममा देखिने छन् ।एजेन्सीको सहयोगमा